Nabigyang buhay ang isang tulad ko ng dahil sa kanya.
Nabigyang direksyon ang buhay ko ng dahil din sa kanya.
Ang kanyang pag-alalay ang siyang nagpatatag at humubog saking pagkatao.
Ang kanyang pagmamahal at pang-unawa ang siyang patuloy na nagbibigay kapanatagan sa puso kong bagabag.
Kilala niya ako mula ulo hanggang paa. Talos niya ang laman ng isip at puso ko.
Ramdam niya kapag ako'y malungkot at ramdam din niya kapag ako'y masaya at nagagalak.
Ang kanyang mga pangaral at pangungusap ang siyang nagbigay pundasyon sa mga prinsipyong isinasaalang-alang ko para mabuhay ng tama at patas. Sa kanya ko natutunan ang kahalagahan ng pagbabahagian. Sa kanya ko rin natutunan yung kahalagahan ng paggalang sa Diyos at sa kapwa.
Siya ang nagbigay linaw sa mga kalituhan sa isip ko. Siya ang nagbigay liwanag sa madilim na mga bahagi ng buhay ko.. Wala siyang sawa sa pag-intindi, pagmamahal at pag-aalaga..
Iba talaga si nanay.. Wala siyang sawa sa pag-intindi, pagmamahal at pag-aalaga..
Ang buhay ng isang ina ay ang kanyang mga anak. Wala silang hangad kundi ang mapabuti ang ating kinabukasan at mailagay tayo sa maayos. Isa sila sa pinakamagandang biyaya galing sa Diyos..
Kaya sa lahat ng mga nanay, Happy Mother's Day!
Mother Mary, please pray for all the mothers!
No comments:
Post a Comment