Maikli lamang ang buhay. Mabilis umiinog ang panahon. Huwag na nating gugulin ang ating oras sa galit o inis. Humingi tayo ng tulong sa Diyos upang tayo’y makapagpatawad at magmahal. Ang hindi nagpapatawad ay hindi pa malaya. Ang hindi marunong magmahal ay hindi pa lubusang nakakakilala sa Diyos, sapagkat ang Diyos ay Pag-ibig.
Noong ang Panginoon ay nakabayubay sa Krus, pinatawad Niya ang tao. Noong ang Panginoon ay namatay sa Krus, pinatunayan Niya ang Kanyang dakilang pag-ibig para sa tao. Ikaw naman, O Tao, kailangan ka magpapatawad? Kailangan ka magmamahal?
Mabilis lamang tayong dadaan sa daigdig na ito. Linisin ang puso. Alisin na ang mga nagpapabigat sa ating paglalakbay. Ibigay na natin ang lahat sa Panginoon.
No comments:
Post a Comment