Pamamaalam sa mga kapatid nating pumanaw

Paalam sa iyo, kapatid na pumanaw; mapasapiling ka nawa ng Poong Maykapal. Ang pagpapala ng Diyos ay baunin mo: Sa ngalan ng Ama, at ng Anak, at ng Espiritu Santo. 

Sa paraiso magkikitang muli tayo. Samahan ka ng mga Banal. Samahan ka ng mga Anghel.  Kahit na may nauuna, tayo rin ay magsasama, upang lagi tayong lumigaya sa piling ng Diyos Ama.

PANALANGIN

Panginoong Diyos, buong kababaang loob na inihahabilin namin ang mga kapatid naming pumanaw na tinawag mo mula sa mortal na buhay na ito. Minahal mo siya lagi Nang may dakilang pag-ibig.

Ngayon na pinalaya mo na siya sa lahat ng kasamaan sa mundong ito, dalhin mo siya sa iyong paraiso kung saan wala nang pighati o pagdadalamhati o kalungkutan, kundi kapayapaan at kaligayahan kapiling ng Iyong Anak at ng Espiritu Santo magpakailanman. Amen.